Nigar Aliyeva

Ənənəyə sadiq qalaraq, bu il də Milli Onkologiya Mərkəzi və “Regional İnkişaf” İctimai Birliyinin (RİİB) birgə təşkilatçılığı ilə “ISR Holding”in tərkibinə daxil olan bir sıra şirkətlər öz sosial məsuliyyət proqramları çərçivəsində bu xəstəlik haqqında məlumatın yayılması və maarifləndirmə kampaniyasına qoşulub.

Belə ki, ölkəmizdə “Cenomi Group Azerbaijan” tərəfindən təmsil olunan bir sıra dünya brendlərinin mağazalarında, eləcə də “Hilton Baku” otelində maarifləndirmə ayı ilə bağlı keçirilən tədbirlərin iştirakçılarına məlumatlandırıcı materiallar, həmçinin “Süd vəzisi xərçəngi ilə mübarizə ayı”nı simvolizə edən çəhrayı lentlər paylanılıb.

Aksiyaya həmçinin “Baku Roses” brendi altında tanınan “Azerbaijan Flowers Company” də qoşulub. İşçi heyətinin böyük hissəsini xanımlar təşkil edən şirkət də bu kampaniyaya qoşularaq süd vəzi xərçəngi ilə mübarizə aparan bütün güclü qadınlara öz dəstəyini çəhrayı lent taxmaqla göstəriblər.

“Radisson Group” bu il də ardıcıl olaraq “Forbes” nəşri tərəfindən dünya miqyasında “Travel & Leisure” (səyahət və istirahət) sənayesində “Best Employer” (ən yaxşı işəgötürən) reytinqində 3-cü yerə sahib olub. Brend həmçinin 700 beynəlxalq şirkətin bütün sənayelər üzrə reytinqdə 102-ci yerə layiq görünmüşdür. Bu əvvəlki illə müqayisədə 20 mövqedən çox əhəmiyyətli irəliləyişi göstərir. Bu nailiyyət təşkilatın müsbət iş mühiti yaratmağa sadiq olduğunu vurğulayır.

Qonaqpərvərlik sənayesində görkəmli lider olan “Radisson Group” özünü qonaqları, biznes sahibkarları və istedadlı işçiləri qarşısında etibarlı brend kimi təsdiq edib.

Yüksək servisi və unikal lokasiyası ilə seçilən “Radisson Hotel Baku” Azərbaycanda “ISR Holding” tərəfindən təmsil olunur.

“ISR Plaza” uzun illər ərzində Azərbaycanda fəaliyyət göstərən müxtəlif beynəlxalq şirkətlərin yerləşdiyi ən böyük biznes mərkəzlərindən biridir.

Onilliklər ərzində keyfiyyət və sabitliyi qoruyub saxlayan “ISR Plaza”nın əməkdaşlarını bu yubiley munasibətilə təbrik edirik və gələcək fəaliyyətlərində uğurlar arzu edirik!

“ISR Holding”in baş direktoru Rauf Xəlilov və Tacikistan Respublikasının sənaye və yeni texnologiyalar naziri Şerali Kəbir arasında rəsmi görüş keçirilib.

Görüş zamanı ölkələr arasında potensial investisiya imkanları və gələcək əməkdaşlıq perspektivləri müzakirə edilib.

“ISR Holding”in baş direktoru Rauf Xəlilov iyunun 2-də Gürcüstanın Tbilisi şəhərində, ümummilli lider Heydər Əliyevin 100 illiyinə həsr olunmuş Gürcüstan-Azərbaycan Biznes Forumunda iştirak edib.

Forumda ümummilli liderin uzaqgörən xarici siyasəti nəticəsində iki ölkə arasında qurulmuş yüksək səviyyəli münasibət qeyd olunub. Forum çərçivəsində Azərbaycan və Gürcüstan arasında gələcək əməkdaşlıq yolları da müzakirə olunub.

Tədbir ümummilli liderin xatirəsinə həsr olunmuş Qala-konsertlə başa çatıb.

“Park Inn by Radisson” brendi altında çoxsaylı qonaq və bizneslərin rəğbəti və qüvənini qazanan otel artıq daha bir pillə yüksələrək ölkədə ilk “Radisson” brendi kimi öz fəaliyyətinə davam edəcək. Yeni dəbdəbəli lobbi və restorana malik olan otel Bakının işgüzar və əyləncə həyatının tam mərkəzində yerləşir və özündə Skandinaviya qonaqpərvərliyi konsepsiyasını təcəssüm edir.

Azərbaycan Qolf Federasiyasının prezidenti Rauf Xəlilov Türkiyə Qolf Federasiyası ilə əməkdaşlıq müqaviləsini imzalamaq üçün Türkiyəyə səfər edib. İmzalanma İstanbuldakı Ataşehir golf klubunda baş tutub.

İmzalamada Azərbaycan Qolf Federasiyasının və Türkiyə Qolf Federasiyasının prezidentləri Rauf Xəlilov və Yıldırım Dəmirörən, həmçinin Türkiyə Qolf Federasiyasının İdarə Heyətinin üzvləri İsmayıl Həsən Akçakayalıoğlu, Murat Karaduman, İdarə Heyətinin sədr müavini Serhat Soysal, Azərbaycan Qolf Federasiyası Anar Əzimov və Azərbaycan Qolf Federasiyasının baş katibi Leyla Abbasova iştirak edib.

Müqavilə qolfçuların beynəlxalq səviyyədə yarışmalarda iştirak etməyə şərait yaratmaq, ölkədə idmançıların sayını artırmaq, texniki məsələlərdə qarşılıqlı köməklik etmək və Azərbaycanda qolfun daha da böyüməsinə və inkişafına zəmin yaratmaq məqsədilə imzalanıb.

“Park Inn by Radisson” otelinin rebrendinqi başa çatmaq üzrədir. Bakının işgüzar və əyləncə həyatının mərkəzində yerləşən əlamətdar otel ölkənin ilk “Radisson” oteli olmaqla, on ildən çox tarixinin yeni səhifəsini açacaq.

Artıq otelin üç mərtəbəsi ən son brend standartlarına uyğun tam təmir edilərək qonaqların istifadəsinə verilib. Yeni foyenin, eləcə də innovativ konsepsiyaya malik tamamilə yeni restoranın təmiri də başa çatmaq üzrədir.

Skandinaviya rahatlığı və yüksək səviyyəli xidməti ilə seçilən tamamilə yeni otel tezliklə paytaxtımızın qonaqlarına təqdim olunacaq.

23 fevral tarixində “Hilton Baku” otelində “ISR Holding” və “Caspian Energy Club”un birgə təşkilatçılığı ilə “CEO Meetup” tədbiri baş tutub.

Tədbir “ISR Holding”in hüquqi məsələlər üzrə direktoru – Fərhad Səttarov və klubun sədri və baş icraçı direktoru Telman Əliyevin salamlama nitqləri ilə öz işinə başlayıb. İşgüzar görüş çərçivəsində şirkətlər qrupunun çoxsahəli fəaliyyəti haqqında ətraflı məlumat verilib.

“ISR Holding” haqqında ətraflı məlumatı şirkətlər qrupunun satınalma üzrə direktoru Afaq Zeynalova təqdim edib. “CIG Azərbaycan” şirkətinin direktoru Vəfa Fəttayeva logistika və nəgliyyat xidmətləri, “CIG SCS”nın əməlliyat meneceri Kamran Eyyubov gömrük və müvəqqəti saxlama anbarı xidməti, “ISR Holding”in baş maliyyə direktoru Tariyel Rüstəmov elektrik avtomobillər və şarj stansiyaları, Holdingin maliyyə nəzarətçisi Hilola Kalandarova isə 1C ERP həllər haqqında təqdimatları tədbir qonaqlarının diqqətinə çatdırıblar.

Tədbir sual-cavab sessiyası ilə yekunlaşıb. İşgüzar görüşün rəsmi hissəsi bitdikdən sonra iştirakçılar və təşkilatçılar çay-kofe sessiyası zamanı biznes əlaqələrinin inkişafı haqqında müzakirə aparıblar.

İsrail-Azərbaycan Ticarət Palatasının Məsləhət Şurasının üzvü Rauf Xəlilov #IACCI-nin prezidenti Aleks Kaplun və idarə heyətinin digər üzvləri ilə görüşdə iştirak edib.

İşgüzar nahar formatında təşkil olunan görüş zamanı aktuall layihələr, eləcə də palatanın gələcək inkişafı üçün planlar müzakirə edildi.