Admin

Fevralın 16-da Bakıda “Volvo Trucks” və “SARDA Group” arasında niyyət məktubunun imzalama mərasimi baş tutdu. “Volvo Trucks”ın baş vitse-prezidenti cənab Robert Qrozdanovski və “SARDA Group”un baş direktoru cənab Rauf Xəlilov tərəfindən imzalanan bu sənəd səmərəli tərəfdaşlığın başlanğıcını qeyd etdi. “Volvo Trucks” ölkəmizdə öz diler fəaliyyətini may ayının 1-dən, Qaradağ rayonu, Bakı Dairəvi Yol 1063 ünvanında, yekunlaşmaq üzrə olan yeni salonda başlaması gözlənilir.
18 ildən artıqdır ki, Qafqaz regionunda dünyanın aparıcı avtomobil markalarını təmsil edən “SARDA Group” bu sahədə yüksək etibar qazanmışdır. “Volvo Trucks” brendi “Lexus”, “Toyota” və “Peugeot” kimi markaları ilə yanaşı qrupun avto portfelinə əlavə olacaqdır.

20 fevral tarixində “BYD” brendinin nümayəndələri, onların yerli tərəfdaşları olan “SARDA Group” şirkətlər qrupu və Azərbaycan Respublikası İqtisadiyyat Nazirliyi arasında görüş keçirilib.

Görüşdə Azərbaycan Respublikasının İqtisadiyyat naziri cənab Mikayıl Cabbarov, “SARDA Group”un təsisçisi və baş icraçı direktoru cənab Rauf Xəlilov, “BYD” şirkətinin mərkəzi Asiya üzrə baş direktor müavini cənab İvan Cao və brendin və dövlət qurumlarının bir sıra nümayəndələri iştirak ediblər.

Müzakirələr zamanı tərəflər əməkdaşlıq sahələrini, birgə layihələrin həyata keçirilməsini və ekoloji təmiz texnologiyaların tətbiqi imkanlarını müzakirə ediblər.

“Radisson Hotel Baku” otelində “Ümid yeri” uşaq sığınacağın balacaları üçün Yeni il münasibəti ilə xeyriyyə tədbiri keçirilib.

Rauf Xəlilovun təşəbbüsü ilə keçirilən bu tədbir uşaqlara bayram ab-havası bəxş etmək məqsədi ilə təşkil olunub.

Balaca qonaqlar uşaq şousunu ziyarət etdikdən sonra “Lagom” restoranında ləzzətli nahardan zövq aldılar.

“SARDA Group” tərəfindən təqdim olunan “Costa Coffee” brendi bu il Azərbaycanda öz fəaliyyətinə start vermişdir.

İlk “Costa Coffee” uğurunu nəzərə alaraq bir neçə ay ərzində brendin şəbəkəsi genişlənərək məkanların sayını 4-ə çatdırmışdır. Hal-hazırda “Costa Coffee” şəhərin ən dəbli məkanları “Nərgiz Mall”, “Dəniz Mall” və “Gənclik Mall”da təqdim olunub.

Yüksək keyfiyyətli kofe və müştəri xidmətləri ilə kofesevərləri sevindirməyə davam edən “Costa Coffee” gələn il öz şəbəkələrinin sayını daha da genişləndirilməsini planlaşdırır.

Keyfiyyətli kofe və müştəri xidməti ilə seçilən “Costa Coffee” kofesevərləri yeni məkanda sevindirməyə davam edir.

Yeni ünvanda müştərilərə müxtəlif növ ləzzətli kofe, həmçinin dadlı qəlyanaltılar və sendviçlər təklif edilir.

Brendə olan böyük marağı nəzərə alaraq ilin sonunadək daha iki, gələn il isə bir sıra yeni kafelərin açılması planlaşdırılır.

Lüks həyat tərzi və funksionallığı özündə əks etdirən yeni premium modelin təqdimatı Bakı və Tiflisdə baş tutub. Təqdimatlar brendin nümayəndələri, müxtəlif biznes dairələri, yüksək rütbəli qonaqlar və brendin sadiq müştərilərinin iştirakı ilə böyük uğurla keçirilib.

“Lexus” brendi Azərbaycan və Gürcüstanda “SARDA Group” tərəfindən təqdim olunur.

“Costa Coffee”nin Avropa və Orta Şərq üzrə idarəedici direktoru Qordon Movat başda olmaqla brendin qlobal menecment komandası Azərbaycandakı tərəfdaşları ilə görüşüb.

Həmkarlar ölkədə “Costa Coffee”nin potensialını vurğulayaraq brendin Azərbaycanda gələcək inkişafı, eləcə də ölkədə kofe şəbəkələrinin sayının artırılması planlarını müzakirə ediblər.

6-8 oktyabr tarixlərində “Dreamland Golf Club”da ilk “Zəfər” turniri baş tutdu. İki gün davam edən turnirdə Azərbaycan və Türkiyədən 70-dən çox idmançı iştirak edib.

Təntənəli açılış mərasimində rəsmi qonaqlar, idmançılar və turnirin tərəfdaşları iştirak ediblər. Azərbaycan Respublikası Gənclər və İdman Nazirliyi müavini Mariana Vasileva öz beynəlxalq arenada idmançılığın və dostluğun əhəmiyyətini vurğuladı.

Daha sonra Azərbaycan Qolf Federasiyasının prezidenti və “ISR Holding”in baş direktoru Rauf Xəlilov səhnəyə çıxaraq bu tədbiri keçirdməkdən və iki xalq arasında qolf oyunu vasitəsilə əlaqələri gücləndirməkdən məmnun olduğunu bildirib.

Türkiyə Qolf Federasiyasının prezidenti İldırım Dəmirörən öz çıxışında Türkiyə ilə Azərbaycan arasında çoxillik dostluq əlaqələrini vurğuladı.

Dostluq və əməkdaşlıq rəmzi olaraq Rauf Xəlilov və İldırım Dəmirörən bir-birlərinə xatirə hədiyyələri təqdim edərək, iki federasiya arasında əlaqələri möhkəmləndirdilər.

“CIG Logistics” şirkətinin genişlənmə planları çərçivəsində İzmit şəhərində yerləşən “CIG Türkiyə” şirkəti yeni yük maşınları setini avtoparkına əlavə etdi.