Nigar Aliyeva

“ISR Holging”in ən son xəbərlərini özündə əks etdirən yeni xüsusi qəzet işıq üzü gördü.

Holdinqin baş icraçı direktoru Rauf Xəlilovun salamlama məktubu ilə başlayan qəzetdə şirkətlər qrupunun fəaliyyəti, son xəbərlər və yaxın gələcək üçün planları haqqında məlumatlar yer alır.

Son xəbərləri qaçırmamaq üçün QR kodu skan edin.

Dekabrın 14-də Bakı Biznes Mərkəzində Azərbaycan-İsveçrə Biznes Forumu keçirilib.

Tədbir Azərbaycan Respublikası İqtisadiyyat nazirinin birinci müavini Elnur Əliyevin, İsveçrənin Azərbaycandakı səfiri Ervin Bollinqerin, İsveçrə Konfederasiyasının Azərbaycandakı və Türkmənistandakı səfiri Muriel Peneveyrenin, Azərbaycanın Belçikadakı səfiri Fuad İsgəndərovun, Azərbaycan Respublikasının Kiçik və Orta Biznesin İnkişafı Agentliyinin İdarə Heyətinin sədri Orxan Məmmədovun, İsveçrə-Azərbaycan Ticarət və Sənaye Palatasının (SACCI) prezidenti Klod Haegi və digər dəyərli qonağların iştiraki ilə keçirilib.

Görüş zamanı “ISR Holding”in maliyyə direktoru Tariyel Rüstəmov və qrup maliyyə nəzarətçisi və “1C” layihə rəhbəri Hilola Kalandarova iştirakçılara “1C Enterprise” platformasının funksional imkanlarını təqdim ediblər və proqramın praktiki istifadəsi ilə bağlı məlumat veriblər.

“1C” sistemi biznesin idarə edilməsində rahat həllər tapmaq üçün istifadə edilən etibarlı platformadır. Hazırda həm dünyada, həm də ölkəmizdə informasiyanın toplanması və təhlili məsələləri çox aktualdır. “ISR Holding” proqramın Azərbaycanda rəsmi distribütorlarından biri olaraq “1C” platformasının quraşdırılmasında yüksək səviyyəli xidmət göstərir. Platforma artıq “Hilton Baku”, “FoodCity”, “BCC” və digər şirkətlərin sisteminə uğurla inteqrasiya olunub.

Oktyabr bütün dünyada süd vəzi xərçəngi ilə mübarizə ayı kimi qeyd olunur.

Ümumdünya Səhiyyə Təşkilatının məlumatına görə, süd vəzi xərçəngi 2021-ci ildən etibarən qlobal miqyasda ən çox yayılmış xərçəng növüdür. Eyni zamanda bu xəstəliyin erkən diaqnostikası xəstələrin sağ qalma ehtimalını 90%-ə qədər artıra bilər. Bu səbəbdən daha çox insan həyatını xilas etmək üçün süd vəzi xərçəngi haqqında məlumat paylaşmaq, maarifləndirmə işləri aparmaq çox vacibdir.

Bu il Azərbaycanda Səhiyyə Nazirliyi, TƏBİB, Milli Onkologiya Mərkəzi və “Regional İnkişaf” İctimai Birliyinin (RİİB) birgə təşkilatçılığı ilə “Hər kəs bilsin, həyat davam etsin!” devizin altında aksiya təşkil olunmuşdur.

“ISR Holding” olaraq sosial məsuliyyət məsələləri şirkətin iş strukturunda mühüm yer tutur. Mövcud olduğu illər ərzində şirkətlər qrupu çoxsaylı sosial və xeyriyyə tədbirlərində iştirak etmiş və iştirak etməkdə davam edir.

“Park Inn by Radisson Hotels” “Forbes” nəşrinin qlobal qiymətləndirilməsində “Travel & Leisure” (səyahət və istirahət) kateqoriyasında iki il ardıcıl olaraq “Best Employer” (ən yaxşı işəgötürən) reytinqində 4-cü, bütün sənayelər üzrə reytinqdə isə 129-cu yerə layiq görüldü. Bununla da hotellər şəbəkəsi dünyanın ən yaxşı 3 mehmanxana şirkətindən biri olaraq qonaqların və sahibkarların güvən etdiyi brendə çevrilib.

“Park Inn by Radisson” dünyanın müxtəlif nöqtələrində səyahətçilər üçün ən münasib şərait – stresssiz qonaqlama, yüksək keyfiyyətli qida və ən komfortlu yaşayış təmin edən hotel brendidir.

Azərbaycanda “ISR Holdinq” tərəfindən təmsil olunan “Park Inn by Radisson” Bakının biznes və əyləncə həyatının mərkəzində yerləşərək paytaxt qonaqlarına şəhər və Xəzər dənizi mənzərəli 255 otaq təklif edir.

Sentyabrın 21-də Cenevrədə İsveçrə-Azərbaycan Ticarət və Sənaye Palatasının Baş Assambleyası keçirilmişdir.

“ISR Holding”in baş icraçı direktoru Rauf Xəlilov Palatanın strateji əməliyyatlar komitəsinin həmsədri seçilib.

İclasda palatanın fəaliyyəti ilə bağlı hesabatlar təqdim olunub, gələcək inkişaf planları müzakirə edilib. İsveçrə-Azərbaycan Ticarət və Sənaye Palatası hər iki ölkənin sahibkarları arasında körpü rolunu oynayacaq və Azərbaycan və İsveçrənin biznes strukturları arasında strateji əlaqələrin inkişafına töhfə verəcək.

14 sentyabr 2022-ci il tarixində Azərbaycanın mədəniyyət paytaxtı olan Şuşa şəhərində İsrail-Azərbaycan Ticarət və Sənaye Palatasının açıq iclası keçirilib.

İclasda “ISR Holding”in baş icraçı direktoru və İsrail-Azərbaycan Ticarət və Sənaye Palatasının Məşvərət Şurasının üzvü Rauf Xəlilov da iştirak edib.

Görüş zamanı Qarabağ regionunun iqtisadiyyatının bərpasında İsrail və Azərbaycan şirkətləri arasında əməkdaşlığın perspektivləri müzakirə olunub. İsrail şirkətlərinin nümayəndələri İsrail təcrübəsinə və texnologiyasına əsaslanan potensial birgə layihələrlə bağlı fikirlərini bölüşüblər. Görüşün davamında İsrail-Azərbaycan Ticarət və Sənaye Palatasının gələcək planları və fəaliyyətinin perspektivləri ilə bağlı açıq müzakirə aparılıb.

Tədbir çərçibəsində Azərbaycanın ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edilib.

Səfər zamanı o, yük maşınları parkı ilə yaxından tanış olub, şirkətin inkişaf planlarını müzakirə edib, həmçinin əla işlərinə görə kollektivə təşəkkürünü bildirərək onlara gələcək fəaliyyətlərində uğurlar arzulayıb.

Caspian Impex Group Türkiyədə yerləşən, özünün yük maşınları parkına malik olan və dünya standartlarına uyğun yüksək səviyyəli xidmətlər göstərən logistika və yükdaşıma şirkətidir.

“ISR Holding” olaraq gənc mütəxəssislərimizin uğurları ilə fəxr edirik və onları professional inkişaflarında dəstəkləməyə hər zaman hazırıq.

Siz də bizim komandaya qoşulmaq istəyirsinizsə, “CV”lərinizi aşağıda qeyd olunan email ünvanına göndərə bilərsiniz:
[email protected]

Gənclər Gününüz mübarək!